Colección Mulleres Galegas

Colección Mulleres Galegas
Dedicada ás mulleres galegas
de diferentes eidos que constrúen o noso país.

1. Ángeles Alvariño
2. Maruja Mallo
3. María Victoria Moreno
4. Ernestina Otero
5. Ángela Ruiz Robles


1. Un Ronsel de Ardora
Pequena biografía de Ángeles Alvariño.

Enrique Mauricio e Carlos Taboada, Polo Correo do Vento SC.
A partir de 6 anos. Idioma galego.

Primeira edición, 3 de outubro 2016
100 aniversario do nacemento de Ángeles Alvariño.
Segunda impresión, abril 2017.
Terceira impresión, novembro 2017.
ISBN 978-84-946043-0-0

Sinopse

María de los Ángeles Alvariño ( Serantes, Ferrol 1916- San Diego 2005) foi unha científica galega de recoñecemento internacional. Os seus traballos tiveron especial relevancia e aplicación na oceanografía e na bioloxía mariña. Descubriu 22 especies novas de organismos mariños, participou en diversas expedicións científicas  e escribiu case un cento de artigos sobre diferentes materias relacionadas co mundo oceánico que a apaixoaba. Nas súas palabras, hai que: “levar ao nenos e nenas á magnífica catedral natural, con paseos polo campo, praias e forestas…


Descarga de balde o seu póster aquí.
┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅

2. Meiga nova, metade anxo, metade marisco.
Pequena biografía de Maruja Mallo.

Enrique Mauricio e Carlos Taboada, Polo Correo do Vento SC.
A partir de 6 anos. Idioma galego.

Primeira edición, 1 de abril de 2017,
Día das Artes Galegas dedicado a Maruja Mallo.
ISBN 978-84-946043-2-4

Sinopse

Maruja Mallo ( Viveiro, 1902- Madrid, 1995) foi unha pintora galega de recoñecemento internacional. Participou coas súas ilustracións en numerosas revistas, realizou cadros moi
innovadores, escenografías teatrais, cerámicas, pinturas murais, conferencias, accións poéticas, fotografías artísticas... E sempre dende unha óptica rebelde, comprometida e moi divertida.

Artigo sobre Maruja Mallo e esta pequena biografía por Armando Requeixo 
El Ideal Gallego e Diario de Ferrol9-4-2017 
Descarga de balde o seu póster aquí.
┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅


3. Unha historia de amor.
Pequena biografía de María Victoria Moreno.

Joanna Lorenzo Montero.
Ilustracións: Tania Solla.
A partir de 6 anos. Idioma galego.

Primera edición, decembro de 2017.
Segunda impresión, decembro 2018.
ISBN 978-84-946043-3-1

Sinopse

María Victoria Moreno ( Valencia de Alcántara, 1939- Pontevedra, 2005) foi profesora na secundaria e escritora en lingua galega. Empregando as súas propias palabras, a súa opción polo galego foi “unha historia de amor”. Dedicouse principalmente á literatura infantil e xuvenil e exerceu como profesora de ensino secundario en varios institutos. Deste xeito, ensinou a toda unha xeración de mozas e mozos a amar a vida, a literatura, e a levar adiante os proxectos máis fermosos. E sempre dende unha visión comprometida, divertida e apaixonada.

“A miña relación con Galicia e a miña opción pola súa lingua 
é simplemente unha historia de amor.”

                         María Victoria Moreno.
                 Discurso pronunciado en 1993 no Congreso 
                 de Poetas alófonos en lingua galega.

Descarga de balde o seu póster aquí.

┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅

 
4. Semente de igualdade, semente de liberdade.
Pequena biografía de Ernestina Otero.

Enrique Mauricio.
Ilustracións: Carlos Taboada.
A partir de 6 anos. Idioma galego.

Primeira edición, decembro 2017.
Segunda impresión, decembro 2018.
ISBN 978-84-946043-4-8

Sinopse

Ernestina Otero (Redondela, 1890 - Redondela,1956) foi unha mestra e pedagoga galega.
As súas prácticas innovadoras e a súa afouteza convértena nun exemplo a seguir no eido   da educación. Impulsou a asistencia á escola, os dereitos das mulleres, a renovación do profesorado e conseguiu sementar unha xeración preparada para vivir en liberdade.


“Se conseguimos que cada día haxa na alma do alumno 
unha resonancia da nosa vibración de gozo perante 
o belo e o xusto, e de profunda indignación perante 
       a grosería, a inxustiza e a mentira, conseguiremos
 ter unha escola nova con ideais eternos.”

Ernestina Otero.


Descarga de balde o seu póster aquí.

┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅┅
5. O valor das ideas: a precursora do libro electrónico.
Pequena biografía de Ángela Ruiz Robles.

Arantxa Serantes
Ilustracións: Tania Solla
A partir de 6 anos. Idioma galego.

Primera edición, decembro de 2018.
ISBN 978-84-946043-3-1
Sinopse:

Ángela Ruiz Robles (Villamanín, 1895 - Ferrol, 1975) foi mestra e inventora. En 1918 chegou a Galicia e aquí imaxinou como podería ser a ensinanza do futuro. A súa creatividade levada á práctica constitúe un formidable exemplo do lonxe que pode chegar unha idea.
"A inquietude apodérase de min cando
 me dou conta de que podo participar 

en que a humanidade aprenda."

Ángela Ruiz Robles

Descarga de balde o seu póster aquí.